Një përplasje mes gjashtë makinave dhe një kamioni ka ndodhur këtë mëngjes në Athinë , duke shkaktuar rrëshqitje të mjetit të rëndë në mes të rrugës. Gjithçka ka ndodhur pak pas orës 6 të mëngjesit , kur kamioni, i cili lëvizte në rrugën e Athinës, ka devijuar nga rruga e tij për shkak të rrëshqitjes së sipërfaqes së rrugës .
Mediat greke bëjnë me dije se automjeti ka devijuar në korsinë e mesme dhe është përplasur me tre makinat përpara, si dhe me tre makinat pas.
Kamioni ka qëndruar i “palosur” në mes të rrugës për disa kohë ndërsa makinat e tjera kanë pësuar dëme të rënda materiale .
Nga aksidenti automobilistik nuk ka pësuar lëndime asnjëri nga drejtuesit e mjeteve , ndërsa për masa paraprake në vendngjarje ka mbërritur autoambulanca e EKAV-së.
Shikoni pamjet nga aksidenti:
